Azərbaycan, Bakı, 19 may / Trend , müxbir E.İsmayılov /
Mayın 18-də saat 15:00-dək "Bakıelektrikşəbəkə" SC (Bakıda elektrik enerjisinin böüşdürülməsi və satışı) 6,3 min borcu olan abunəçiyə bildiriş göndərib. Bu barədə çərşənbə axşamı elektrik enerjisi satış departamenti sektorunun rəhbəri Vüqar Nəbibəyli deyib.
"Bildirişlər yayıldıqdan sonra boclu olan abunəçilərin 40%-i ödənişi yerinə yetirdilər", - Nəbibəyli qeyd edib.
İstifadə olunmuş enerjiyə görə, yığımın səviyyəsini 100%-ə qaldırmaq məqsədi ilə SC mayın 18-dən debitor borcu yığılan vətəndaşların elektrik enerjisini kəsməyə başlayıb. Bazar ertəsindən başlayaraq bir neçə yüz abunəçinin elektrik enerjisi xətti şəbəkədən ayrılıb. Onların bir hissəsi elektrik enerjisinin verilməsi kəsiləndən sonra işlətdikləri elektrik enerjisinin haqqını ödəyiblər. Nəbibəylinin sözlərinə əsasən, ödənişi yerinə yetirmiş abunəçilərə elektrik enerjisinin verilməsi bir neçə gün ərzində bərpa olunacaq.
Hazırda "Bakıelektrikşəbəkə"nin 680 min abunəçisi var ki, onların 30-40%-i işlətdikləri enerjinin haqqını ödəyir.
Geciktirilən hər gündən ötrü abunəçi 0,01% əlavə pul ödəməli olur.
1-19 may ərzində istifadə olunan enerjiyə görə abunəçilər tərəfindən "Bakelektrikşəbəkə"yə 6 milyon manat ödənilib. Ödənişlərin böyük hissəsi "Azerpocht online" sistemindən istifadə etməklə həyata keçirilib - 27%. Beynəlxalq bank vasitəsiilə 14% ödəniş həyata keçirilib.
Abunəçiləri yığılmış borcla bağlı xəbərdar etmək üçün "Bakıelektrikşəbəkə" SC müxtəlif vasitələrdən istifadə edir. SC-də kommersiya abunəçiləri üçün ödənişin həyata keçirilməsinin vaxtını bildirən SMS məlumatvermə metodundan istifadə edilir.
Məqalə müəllifi ilə əlaqə ünvanı: [email protected]