Azərbaycan, Bakı, 20 may / Trend , müxbir E.İsmayılov /
"SOCAR Energy Georgia (SOCAR şirkətinin törəmə müəssisəsi) bu il Gürcüstanın qazpaylama şəbəkəsindəki abunəçilərinin sayını 57 minə çatdırmaq niyyətindədir", - şirkətin rəhbəri Mahir Məmmədov deyib.
"Hazırda bu şəbəkənin abunəçilərinin sayı təxminən 60 mindir. İlin sonuna qədər isə biz bu rəqəmi daha 57 min vahid artırmaq fikrindəyik", - Məmmədov bildirib.
Məmmədov deyib ki, şirkət üç il ərzində abunəçilərin sayını 150 minə qədər artırmaq istəyir.
"Hazırda şirkət həmçinin bir müddət əvvəl istifadəyə aldığı paylama şəbəkələrində yenidənqurma işlərini həyata keçirir", - Məmmədov qeyd edib.
Dekabrın 26-da SOCAR şirkəti və Gürcüstan hökuməti 30 qazpaylayıcı təsərrüfat və qazpaylayıcı şəbəkənin istifadəyə ötürülməsi haqda müqavilə imzalayıb. Bu şəbəkələr Gürcüstanın Kaxeti, Mtsxeta-Mtianeti, Şida və Kvemo-Kartli, Acarıstan, Quriya, İmereti, Sameqrelo kimi regionlarını əhatə edir. Bu şəbəkələr 24 şirkət tərəfindən istismar edilib.
"Bu layihənin realizəsinə ümumi sərmayə həcmi 40 milyon dollardır. Artıq qoyulmuş sərmayələrin həcmi isə üç milyon dolalrı keçib. Bu vəsaitlərə metal və plastmas borular alınıb, Acarıstanda müəyyən infrastruktur işləri görülüb (Acarıstanın qazlaşdırılması 2008-ci ilin ortalarında başlayıb), müəyyən layihə işləri yerinə yetirilib", - bir müddət əvvəl Məmmədov deyib.
Apreldə SOCAR Energy Georgia şirkəti həmçinin Gürcüstanın azərbaycanlıların yığcam şəkildə yaşadığı Marneuli rayonunun qazpaylayıcı şəbəkəsini də istifadəyə alıb. Bu daha 31 qaz təsərrüfatı deməkdir.
Əvvəllər bu şəbəkənin sahibi Wissol şirkəti olub. Bu şirkət qazı SOCAR-dan alaraq, onun Marneuli ərazisində satışı ilə məşğul olub. İndi bu istiqamətdə bütün işləri SOCAR Energy Georgia həyata keçirəcək.
Bu payalayıcı şəbəkənin alınması, onların inkişafı və idarə edilməsi 40 milyon dollarlıq sərmayə proqramına daxil edilməyib.
Məqalə müəlllifi ilə əlaqə ünvanı: [email protected]