Qazaxıstan, Astana, 21 may / Trend , müx. K.Arınov /
Hazırda "KazMunayQaz" DŞSC Povlodar neft-kimya zavodunun (PNZ) səhmlər paketinin əldə edilməsi istiqamətində danışıqlar aparır. Bu barədə "KazMunayQaz" DŞSC-nin prezidenti Daniyar Berlibayev Trend -ın xüsusi müxbirinə bildirib.
"Zavoda sahib olan yeni şirkət yaradılıb və biz onunla zavodun səmlər paketinin əldə edilməsi üçün danışıqlar aparırıq", - Berlibayev bildirib.
Lakin o, əldə ediləcək PNZ-in səhmlər paketinin hansı miqdarda olduğunu bildirməyib. "Müqavilə haqqında heç nə deyə bilmərəm. Orada müxtəlif şərtlər var və hələ ki, satan tərəf ilə hansı səhmlər paketini ala biləcəyimiz barədə danışıqlar aparırıq", - vitse prezident bildirib.
O əlavə edib ki, müqavilənin başa çatacağı dəqiq tarix məlum deyil. "Mülkiyyətin qiymətləndirilməsi və digər məsələlər üzrə problemlər mövcuddur. Hansı vəsaitlər hesabina alırıq məsələsinə gəldikdə isə, "KazMunayQaz"ın pulu var",- Berlibayev bildirib.
Povlodar neft-kimya zavodu Povlodarda (Qazaxıstanın şimalı) yerləşir. SSRİ dövründə inşa edilmiş və texnologiya baxımından Qərbi Sibir yataqlarında mövcud olan neftin emal edilməsi istiqamətində qurulub. Layihənin gücü il ərzində 7 milyon ton neftdir. Keçən il ərzində emalın həcmi 4,2 milyon ton təşkil edib.
Məqalə müəllifi ilə əlaqə ünvanı: [email protected]