Azərbaycan, Bakı, 01 iyun / Trend , müxbir V.Şərifov /
SOCAR "Abşeron" layihəsinin operatoru olan Fransanın Total şirkətini, Gaz de France SUEZ (GDF/SUEZ) şirkətinin böyük qaz layihəsinin birgə işlənməsinə qoşulmasına etiraz etmədiyi barədə xəbərdar edib.
"SOCAR "Abşeron" layihəsindəki öz iştirak payının bir hissəsinin Gaz de France SUEZ-ə ötürülməsi ilə bağlı razılıq verdiyi barədə Total şirkətini xəbərdar edib", - bazar ertəsi SOCAR-dan deyilib.
"Abşeron" yatağı üzrə PSA tipli müqavilə SOCAR və Total arasında mart ayında imzalanıb. SOCAR bu layihədə 40 faiz iştirak payı əldə edib. Total-ın payı 60 faizdir. Kəşfiyyat dövründə SOCAR-ın payını Total maliyyələşdirəcək. Sonradan Total-ın payının bir hissəsinin digər Fransa şirkəti Gaz de France SUEZ-ə satılması mümkündür.
SOCAR nümayəndəsinin sözlərinə görə, GDF/SUEZ-in pay iştirakı məsələsi hələ həllini tapmayıb.
Üç il ərzində blokun üzərində 100 milyon dollar dəyərində bir kəşfiyyat quyusu qazılacaq. Sonrakı üç il ərzində isə daha iki quyunun qazılması planlaşdırılır. Quyunun layihə dərinliyi 6500 metrdir. Qazmanın ilin sonuna qədər başlanması nəzərdə tutulur.
"Abşeron" bloku Bakıdan 100 km uzaqlıqda, 500 metr dərinlikdə yerləşir.
Məqalə müəllifi ilə əlaqə ünvanı: [email protected]