İran və Çin "Şimali Fars" qaz yatağının 11-ci mərhələsinin inkişafı ilə əlaqədar müakirələri davam etdirir və yaxın zamanda müqavilə imzalayacaqlar. Bu barədə İran Milli Neft Şirkətindən SHANA xəbər agentliyinə məlumat verilib.
"Şimali Fars" qaz yatağının 11-ci mərhələsinin inkişafı üzrə müqavilənin imzalanması üçün İran Milli Neft Şirkətinin direktoru Seyfulla Çəşnsaz Pekinə yola düşüb.
İran və Çin energetika sahəsində sıx əməkdaşlıq edir. Son illər ərzində iki ölkə arasında neft-qaz sahəsində əməkdaşlıq üçün 10 müqavilə imzalanıb.
İran və Çin arasındakı əməkdaşlıq müqavilələrindən ən mühümü "Şimali Fars" qaz yatağının və "Yadavarn" neft yatağının inkişafı barədə müqavilə hesab olunur.