Azərbaycan, Bakı, 09 iyun / Trend , müxbir E.İsmayılov /
İyunda SOCAR (Azərbaycan Respublikası Dövlət Neft Şirkəti) "Lökbatan-Puta-Quşxana" ərazisinin quru bölmələrində ikiölçülü geofiziki tədqiqatları (2D) başa çatdırır, çərşənbə axşamı SOCAR-da işlərə yaxın olan mənbə bildirib.
"Tədqiqat işləri artıq bitmək mərhələsindədir və yaxın zamanlarda başa çatmalıdır", - mənbə bildirib.
Mənbənin bildirdiyinə görə, 2D seysmikinin keçirilməsində əsas məqsəd məhsuldar təbəqənin və yataqların tektonik quruluşunun dəqiqləşdirilməsidir. Əldə edilmiş məlumatların araşdırılması və öyrənilməsi üzrə işlər bu ilin oktyabr-dekabr aylarında başa çatdırılacaq.
Apreldə bu sahələrdə başlamış tədqiqat işləri ümumi dərinlik nöqtəsi və "sınan dalğa" metodları ilə görülür, mənbə bildirib.
Bu sahələrdə işlərin sifarişçisi SOCAR-ın tərkibinə daxil olan "Azneft" istehsalat birliyidir.
Məqalə müəllifi ilə əlaqə ünvanı: [email protected]