Azərbaycan, Bakı, 12 iyun / Trend , müxbir E.İsmayılov /
Azərbaycan və İran arasında enerji mübadiləsinin artırılması proqramı çərçivəsindəki işlərin bu ilin sonunadək tamamlanması planlaşdırılır. Bu barədə cümə günü "Azerenereji" SC-nin (Azərbaycanda böyük elektrik enerjisi istehsalçısı) vitse-prezidenti Marlen Əsgərov bildirib. Bu proqramın reallaşdırılması ölkələr arasındakı enerji mübadiləsinin əvvəlki 220 meqavatdan 700 meqavatadək artırılmasına şərait yaradacaq.
Bu layihənin tamamlanması Naxçıvan Muxtar Respublikasına 150 mVt elektrik enerjisi, qış dövrü ərzində Azərbaycanın bütün enerji sisteminə isə 400 mVt elektrik enerjisini tədarük etməyə şərait yaradacaq.
Layihə İranın "Sunir" şirkəti ilə birgə həyata keçirilir və Şirvan İES-in 330 kilovoltluq EÖX-in, İmişli-Parsabadın ikinci xəttinin, Şirvan İES-Salyan, Salyan-Masallı, Masallı-Astara 220 kilovoltluq EÖX-in, həmçinin "Salyan" yarımstansiyası və daha dörd yarımstansiyanın inşasını nəzərdə tutur. EÖX-in ümumi uzunluğu 350 kilometrdir.
"Hazırda Azərbaycan NMR vasitəsilə Türkiyəyə 400 min kilovat/saat elektrik enerjisi ixrac edir", - Əsgərov bildirib.
Məqalə müəllifi ilə əlaqə ünvanı: [email protected]
