Azərbaycan, Bakı, 10 avqust / Trend /
Sentyabrda Azərbaycanın Naxçıvan Muxtar Respublikasını və Türkiyəni birləşdirəcək yeni qaz kəmərinin çəkilməsi ilə bağlı hər iki ölkənin mütəxəssislərindən ibarət işçi qrupu yaradılacaq. Bu barədə bazar ertəsi ARDNŞ-dən (Azərbaycan Respublikası Dövlət Neft Şirkəti) verilən məlumatda deyilir.
Məlumatda deyildiyi kimi, işçi qrupu İğdır-Naxçıvan qaz kəmərinin texniki tərəfləri ilə məşğul olacaq.
Yeni qaz kəmərinin çəkilməsi barədə ilkin qərar ARDNŞ prezidenti Rövnəq Abdullayevlə Türkiyənin energetika və təbii sərvətlər naziri Taner Yıldızın başçılıq etdiyi nümayəndə heyətinin görüşü zamanı qəbul edilib.
