Azərbaycan, Bakı, 26 avqust / Trend , müxbir S.Əliyev /
ARDNŞ Xəzərin Azərbaycan sektorunda "Ümid" perspektivli qaz strukturunda ilk kəşfiyyat quyusunun qazılması çərçivəsində layihə üzrə nəzərdə tutulan 6500 metrdən artıq 1200 metr qazma işləri həyata keçirib. Bu barədə çərşənbə günü şirkətdəki mənbədən bildirilib. Bu, ARDNŞ-in 15 il ərzində özünün həyata keçirdiyi ilk kəşfiyat quyusudur.
Ekspertlərin fikrincə, bu strukturda qazma çətin olacaq, belə ki, yüksək təzyiq, həmçinin mürəkkəb geoloji quruluşu ilə fərqlənir. Bu il dörd min metr qazma işlərinin həyata keçirilməsi planlaşdırılır, ARDNŞ-dəki digər mənbə əvvəlcədən bildirmişdi.
ARDNŞ əvvəlcə "Ümid-1" platformasının inşasını tamamlayıb. "Ümid-1" platforması hələ tikilib başa çatmayan"Çıraq-6" platforması bazasında inşa edilib və proqram çərçivəsində ən böyük obyektdir, onun hündürlüyü 72 metr təşkil edir. Platforma "Bulla-dəniz" dəniz yatağının 15 kilometrliyində, dənizin 58 metr dərinliyində yerləşir. Ümumilikdə platformadan altı qaz quyusunun qazılması planlaşdırılır.
"Ümid" perspektiv strukturunda güman edilən qaz ehtiyatları 300 milyard kubmetr həcmində qiymətləndirilir, ehtimal edilən qaz kondensatı ehtiyatları isə 30-40 milyon ton həcmində qiymətləndirilir.
Məqalə müəllifi ilə əlaqə ünvanı: [email protected]
