...

Azərbaycanda neft hasilatı ortamüddətli perspektivdə nəzərəçarpacaq dərəcədə artacaq – OPEK

Energetika Materials 8 Sentyabr 2009 14:23 (UTC +04:00)

Azərbaycan, Bakı, 08 sentyabr / Trend , müxbir A.Bədəlova /

OPEK Azərbaycanda və Qazaxıstanda ortamüddətli perspektivdə neft hasilatının nəzərəçarpacaq artımını gözləyir.

OPEK-in 2009-cu il üzrə dünya neft bazarına dair məruzəsində deyildiyi kimi, Azərbaycan neftinin tədarük həcmi 2011-ci ildə sutkada 0,1 milyon barel olmaqla 1,2 milyon barelədək artacaq və 2013-cü ilədək bu səviyyədə qalacaq.

OPEK-in proqnozuna görə, 2009 və 2010-cu illərdə Azərbaycanın neft tədarükü sutkada 1,1 milyon barel təşkil edəcək.

Azalma yönündə proqnozların ümumi dəyişikliyinə baxmayaraq, üç iri neftçıxarma ölkəsi - Rusiya, Azərbaycan və Qazaxıstan ortamüddətli perspektivdə OPEK-ə daxil olmayan ölkələrin neft tədarükünün ümumi həcminin artımına kömək edəcək, məruzədə deyilir.

Qazaxıstanın neft tədarükünün həcmi, kartelin proqnozuna görə, 2010-cu ildə sutkada 1,6 milyon barel, 2011-ci ildə 1,7 milyon barel, 2012 və 2013-cü illərdə isə sutkada 1,8 milyon barel təşkil edəcək.

OPEK-in məruzəsində deyildiyi kimi, Azərbaycanda hasilatın həcminin artımı əsasən "Azəri-Çıraq-Günəşli" dərinsulu yataq layihəsi hesabına təmin ediləcək. Sonrakı dekada müddətində artım azsulu "Günəşli" yatağı və "Şah Dəniz" yatağı tərəfindən təmin ediləcək.

"Azəri-Çıraq-Günəşli" yatağı üzrə PSA tipli müqavilə 1994-cü ildə imzalanıb. Kapital qoyuluşunun ümumi məbləği 20 milyard dollarla qiymətləndirilir. Operatoru BP olan blokda neft ehtiyatı bir milyard barel həcmində qiymətləndirilir. "Azəri-Çıraq-Günəşli"də Azəri Light yüngül nefti çıxarılır. Bu neft Bakı-Tbilisi-Ceyhan borui kəməri ilə çatdırıldığı Türkiyənin Ceyhan limanından ixrac edilir. Bu yataqdan neft ixracı həmçinin Bakı-Supsa boru kəməri ilə həyata keçirilir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti