Azərbaycan, Bakı, 12 sentyabr / Trend /
Rusiyanın LUKoyl neft şirkəti ilə "Yuri Korçagin" yatağında hasilat platformasının quraşdırılması üzrə müqavilə çərçivəsində fəaliyyət göstərən ARDNŞ-nin Xəzər Dəniz Neft Donanmasının gəmiləri Bakıya qaydıblar. Bu barədə ARDNŞ-nin məlumatında deyilir.
Platformanın quraşdırılmasında "Azərbaycan", "Vadim Seyidov", "Aura", "Om" və "Lyutoqa" gəmiləri iştirak ediblər.
Platforma suyun 20 metr dərinliyində qurulub.
Yuri Korçagin adına yatağın istismara verilməsi 2009-cu ilin dekabr ayına planlaşdırılıb. Yataq Həştərxadan 180 kilometr, Mahaçqaladan isə 240 kilometr aralıda yerləşir. Yatağın ərazisindəki dənizin dərinliyi 11-13 metr təşkil edir. Yatağın ehtiyatları 570 milyon barel qiymətləndirilir. Neft və qaz-kondensat hasilatının maksimum səviyyəsi ildə 2,3 milyon ton və 1,2 milyard kubmetr qaz təşkil edir.