Azərbaycan, Bakı, 17 sentyabr / Trend /
Dalgidj (Dalğıc) Private Company Azərbaycan şirkəti Xəzərdə qazma işlərində istifadə edilən pilotsuz məsafədən idarə olunan sualtı xilasetmə aparatının istifadəsi üzrə Hallin Marine ilə 5 illik müqavilə bağlayıb.
Müqavilə bu ilin oktyabrın sonunda qüvvəyə minəcək. Aparat dəniz stansionar platformalarında BP şirkətinin qazma üzrə əməliyyatlarını dəstəkləməkdə istifadə ediləcək.
Müqavilə 2 hissəyə ayrılır. İlk iki il ərzində şirkət iki aparat və Dalgidj PC şirkətinin heyətini verəcək.
İki ilin sonunda isə Hallin Azərbaycan şirkətinə razılaşdırılmış qiymətlə iki aparat verəcək və 3 il ərzində layihəyə texniki dəstək göstərməyə davam edəcək.
Müqavilənin ümumi dəyəri 20 milyon dollardan artıqdır.
Dalgidj PC şirkəti dalğıc sahəsində, 60 metrədək dərinlikdə sualtı texniki işlərin görülməsi sahəsində və ISA sistemindən istifadə etməklə, Xəzər dənizinin 1000 metr dərinliyində aparılan işlər sahəsində fəaliyyət göstərir.
