...

ARDNŞ ilin sonuna Gürcüstandakı YDS-lərinin sayı ilə bağlı proqnozlarını açıqlayıb

Energetika Materials 13 Oktyabr 2009 19:38 (UTC +04:00)

Azərbaycan, Bakı, 13 oktyabr / Trend /

SOCAR Energy Georgia ilin sonuna kimi Gürcüstanda SOCAR brendi altında daha beş yanacaq doldurma stansiyasının (YDS) istismara verilməsini planlaşdırır, bu barədə ARDNŞ-in çərşənbə axşamı yayılan məlumatında deyilir.

Oktyabrın 12-də Gürcüstanın paytaxtında ARDNŞ-in növbəti YDS-i istismara verilib, sözügedən YDS Tbilisidən ölkənin qərb regionları istiqamətində gedən yolda yerləşir.

Hazırda ARDNŞ-in Gürcüstandakı YDS-lərinin ümumi sayı təxminən 25-dir. Bu ilin sonuna kimi onların sayı 30-u keçəcək, bu barədə SOCAR Energy Georgia-nın başçısı Mahir Məmmədov bildirib.

"Bizim planlarımız çoxdur, istəyirik ki, pərakəndə satış sahəsində şirkətimiz birinci yeri tutsun və bir neçə il ərzində biz bu məqsədə nail olacağıq. Əgər Gürcüstandakı yanacaq doldurma stansiyalarımızın sayı 60-70-ə çatarsa, bu o demək olacaq ki, biz bu nəticəyə yaxınıq", - Məmmədov bildirib.

SOCAR Energy Georgia Gürcüstanın neft və neft məhsulları bazarında marketinq və distribusiya ilə məşğul olur.

SOCAR Energy Georgia həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili 16,3 faiz.

Xəbər lenti

Xəbər lenti