...

ARDNŞ Azərbaycanın yeraltı qaz anbarlarına doldurulan qaz həcmini artırıb

Energetika Materials 20 Noyabr 2009 11:31 (UTC +04:00)

Azərbaycan, Bakı, 20 noyabr / Trend /

ARDNŞ Azərbaycanın hər iki yeraltı qaz anbarına təxminən 1,95 milyard kubmetr qaz doldurub, bu göstərici ötən ildə 1,4 milyard kubmetr təşkil edib, bu barədə şirkətin məlumatında deyilir. Bu il yeraltı qaz anbarlarına 1,8 milyard kubmetr qaz doldurulması planlaşdırılır.

Qaz anbarlarına qaz doldurulması prosesi noyabrın 17-də başa çatıb.

Hazırda Azərbaycanda iki yeraltı qaz anbarı Qaradağ və Kalmaz qaz anbarı var.

Qaz doldurulması qrafikinə əsasən, Kalmaz qaz anbarına təxminən 1,16 milyard kubmetr qaz, hazırda genişləndirmə işlərinin aparıldığı Qaradağ qaz anbarına isə 795,3 milyondan çox kubmetr qaz (ötən ildəkindən 235,5 milyon kubmetr çox ) doldurulub.

Xəbər lenti

Xəbər lenti