Azərbaycan, Bakı, 21 noyabr / Trend , müxbir E.İsmayılov/
ARDNŞ-nin tender komissiyası geoloji və neft-mədən məlumatlarının korporativ bazasının yaradılması üzrə proqram təchizatının, xidmət və işlərin həyata keçirilməsi üçün tenderin qalibini müəyyən edib. Bu barədə şənbə günü neft-qaz bazarındakı mənbədən bildirilib.
"Tenderin qalibi artıq müəyyən edilib, bu, xarici şirkətdir. Hazırda bildiriş hazırlanır", - mənbə bildirib. Tenderin qalibi olan şirkətin adını mənbə açıqlamayıb.
Dövlət Neft Şirkəti tərəfindən öncədən elan olunmuş tender çərçivəsində iştirakçılara yerləşdirmə və idarəetmə, proqram təchizatının qurulması və onun sistemə qoşulması üçün proqram təchizatına lazım olan geoloji və neft-mədən məlumatlarının korporativ bazasının yaradılması, ARDNŞ əməkdaşları üçün təlimlərin təşkili, pilot-məlumat bazasının yaradılması, proqram təchizatına servis dəstəyi üzrə öz təkliflərini təqdim etmək təklif olunub.
Mənbənin bildirdiyi kimi, qalib olan şirkət üç il ərzində bazanı tətbiq etməli olacaq, sonra isə yeni bazanın tətbiqi üzrə konsultant qismində çıxış edərək yeniliklər və proqramın yenilənməsini həyata keçirməlidir. "Bu kifayət qədər uzun prosesdir, belə ki, bu elə də az müddət tələb etmir", - mənbə bildirib.
Bazanın yaradılması üç mərhələdə həyata keçiriləcək. Birinci mərhələ bazanın yaradılması, onun yüklənməsi və ARDNŞ əməkdaşları üçün lazımı təlimləri əhatə edir. İkinci mərhələ çərçivəsində ARDNŞ işçiləri məlumatları onun yaradılması ilə məşğul olacaq şirkətin rəhbərliyi altında bazaya yükləyəcək. Üçüncü mərhələdə şirkətin işçiləri müstəqil şəkildə, lakin bazarının yaradıcısı olan şirkətin dəstəyi ilə işləri həyata keçirəcək.
Bazada sahələr üzrə geoloji və geofiziki məlumatlar, qazma məlumatları və ehtiyatların qiymətləndirilməsi saxlanılacaq. O, özündə ölkənin neft-qaz hasilat sahəsinə aid olan hər şeyi birləşdirəcək. Bazaya gələcəkdə neft-qaz sahəsinə aid olan müəyyən iqtisadi göstəricilər də daxil olunacaq. Yaradılan bazada xarici şirkətlər də öz məlumatlarını saxlaya biləcək. Bu xidmətlər şirkətlərə ödənişli əsasda təqdim ediləcək. Məlumat bazası xüsusi informasiyanın təhlükəsiz saxlanılmasını təmin etməyə imkan verəcək.
ARDNŞ tərəfindən həmçinin xarici şirkətlərə ödənişli əsasda artıq mövcud olan şirkətlərin işləmək istəyə biləcəyi bu və ya digər sahələr üzrə məlumatlar təqdim ediləcək. Əvvəlcə məlumatlar şirkətlərə tanışlıq xarekteri ilə gözdən keçirilməsi üçün veriləcək, əgər şirkət məlumatların alınmasında maraqlı olarsa, o zaman onlar ödənişli əsasda təqdim ediləcək. Şirkətə məlumatların baxılması onun işləmək istədiyi sahələrin öyrənilməsi üçün lazımdır. Bu zaman alıcı şirkət məlumatlarını müstəqil şəkildə aydınlaşdıra bilər.
Bazaya çıxış məhdudlaşdırılacaq. Öz məlumatlarını ARDNŞ-nin məlumat bazasında saxlamaq istəyən xarici şirkətlərin məlumatlarına çıxış isə informasiyanı yerləşdirən şirkət tərəfindən təqdim ediləcək.
Azərbaycanda 59 neft-qaz yatağı mövcuddur, onlardan 18-i dənizdə yerləşir.
Məqalə müəllifi ilə əlaqə ünvanı: [email protected]
