Azərbaycan, Bakı, 25 noyabr / Trend /
ARDNŞ "Günəşli" dəniz yatağında yeni yüksəkdebitli quyunu istismara verib. Quyunun sutkalıq debiti 200 min kubmetr qaz və 30 ton kondensat təşkil edir. Bu barədə ARDNŞ-nin məlumatında deyilir.
Quyunun dərinliyi 3885 metrdir.
Bu quyunun qazıldığı "Günəşli-13" platforması 20 quyunun qazılması üçün hesablanıb. Bu günədək həmin platformada 13 quyu qazılıb. Bütün quyuların sutkalıq debiti 2,1 milyon kubmetr qaz, 771 ton neft və 185 ton kondensat təşkil edir.
Neft və qaz hasilatının əsas həcmi ARDNŞ-nin payına düşən "Günəşli" yatağında ilin əvvəlindən 4 quyu qazılıb. Gələn ay ərzində yataqda daha iki quyu istismara veriləcək.
