Azərbaycan, Bakı, 12 iyul /Trend, müxbir S.Süleymanov/
Cari ilin payızında Xəzər Boru Kəməri Konsorsiumunun (XBKK) səhmdarları layihə üzrə razılaşmaya dəyişiklik etməlidirlər. Bu barədə "QazMunayQaz" Milli Şirkəti" SC-nin mətbuat xidməti məlumat verib.
"2010-cu il dekabrın 31-dək təkcə Xəzər Boru Kəməri Konsorsiumunun səhmdarları deyil, eləcə də Rusiya və Qazaxıstan hökumətləri qüvvədə olan razılaşma üzrə müvafiq düzəlişlər etməlidirlər", - şirkətin mətbuat xidmətindən deyiblər.
2009-cu ilin dekabrında Xəzər Boru Kəməri Konsorsiumu səhmdarlarının və Konsorsiumun Direktorlar Şurasının iclasında XBKK-nın genişləndirilməsi layihəsinin sanksiyalaşdırılması üzrə yekdilliklə qərar qəbul edilib. Bu qərar çərçivəsində səhmdarlar 2015-ci ilədək XBKK-nın neft borusunun buraxılma qabiliyyətinin ildə 67 milyon tonadək, o cümlədən Qazaxıstan neftninin ildə 52,5 milyon tonadək artırılmasını təsdiq ediblər.
"QazMunayQaz" Milli Şirkəti" SC-nin idarə heyətinin sədri Kairgeldı Kabıldinin əvvəllər dediyi kimi, Qazaxıstan ümid edir ki, "Kaşaqan" yatağının mənimsənilməsi üzrə birinci mərhələ başlananadək Xəzər Boru Kəməri Konsorsiumunun genişlənməsi layihəsi başa çatacaq.
"Sutkada 370 min bareldən 450 min barelədək neft verəcək "Kaşaqan"ın mənimsənilməsi üzrə birinci mərhələdə yalnız mövcud boru kəməri sistemi cəlb ediləcək", - əvvəllər Kabıldin deyib.
O, xatırladıb ki, plana əsasən 2012 və 2013-cü illərdə "Kaşaqan"da hasilata başlanacaq və həmin dövrdə XBKK-nın genişlənməsi layihəsi başa çatmalıdır.
"Bundan başqa, hazırda Qərbi Qazaxıstandan Qərbi Çinədək neft kəmərinin istismara verilməsi nəticəsində Kaşaqan neftinin ixrac nəqli üçün əlavə qurğular olacaq", - o əlavə edib.
Eləcə də, onun sözlərinə görə, mövcud "Aktau-Bakı-Qara dəniz" dəhlizi vasitəsindən istifadə olunacaq.
"QazMunayQaz" Xəzər Boru Kəməri Konsorsiumu layihəsində 20,75% iştirak payı (onun 19%-i Qazaxıstan hökumətinə, 1,75%-i isə "Qazaxıstan Payplayn Vençurs"a məxsusdur) ilə səhmdardır. "QazMunayQaz" digər iştirakçılar kimi, Konsorsiumun genişlənməsi layihəsini həyata keçirir və layihənin Qazaxıstan ərazisində həyata keçirilməsinə məsuliyyət daşıyır.
Yanvar-iyunda XBKK səhmdarları "Yujnaya Ozereyka-2" terminalında 17,1 milyon ton CPC Blend növlü neft boşaldıblar. Bu göstərici ötən ilin müvafiq dövründə 17,2 milyon ton təşkil edib. 2009-cu ildə Konsorsiumun səhmdarları tərəfindən terminalda 34,6 milyon ton neft boşaldılaraq yüklənib. Bu göstərici 2008-ci ilin müvafiq dövründə 31,5 milyon ton olub. 2007-ci ildə XBKK səhmdarları 32,6 milyon tondan çox neft boşaldıblar.