Azərbaycan Türkiyəyə gün ərzində 13-14 milyon kubmetr qaz ixrac edir
Аzərbaycan, Bakı, 12 iyul /Trend/
Hazırda Azərbaycan "Şahdəniz" qaz-kondensat dəniz yatağının işlənib-hazırlanması çərçivəsində hər gün Türkiyəyə yataqda hasil olunan ümumi 20 milyon kubmetr qazın 13 -14 milyon kubmetrini ixrac edir, - bazar ertəsi neft-qaz sahəsi mənbələrindən verilən məlumatda deyilir.
Azərbaycan sutkada 5 milyon kubmetrə yaxın, Gürcüstan isə 1 milyon kubmetrə yaxın qaz alır.
Birinci mərhələ çərçivəsində maksimal hasilatın səviyyəsi 8,6-9 milyard kubmetr həcmində proqnozlaşdırılır. Proqnozlara görə, yatağın işlənilib-hazırlanmasının ikinci mərhələsində qaz hasilatının həcmi ildə 16 milyard kubmetrə qədər artırılacaq.
"Şahdəniz" yatağının qaz ehtiyatları 1,2 trilyon kubmetr həcmində qiymətləndirilir.
"Şahdəniz" qaz-kondensat yatağının işlənilib-hazırlanması barədə müqavilə 1996-cı il iyunun 4-də imzalanıb. Müqavilənin iştirakçıları aşağıdakılardır: bp (operator) - 25,5 faiz, "Statoil" - 25,5 faiz, NİCO- 10 faiz, "Total" -10 faiz, "Lukoil" - 10 faiz, TPAO - 9 faiz, ARDNŞ - 10 faiz.
