...

ARDNŞ yanvar-iyun aylarında 70 min metrdən çox qazma işləri həyata keçirib

Energetika Materials 12 İyul 2010 17:14 (UTC +04:00)

Azərbaycan, Bakı, 12 iyul /Trend/

Yanvar-iyun aylarında Azərbaycan Respublikası Dövlət Neft Şirkəti (müştərək müəssisələr və əməliyyat şirkətləri istisna olmaqla) 71 374 metr qazma işi həyata keçirib. Bu göstərici 2009-cu ilin analoji dövründə 94 028 metr olub. Bu barədə ARDNŞ-nin bazar ertəsi yayılan məlumatında deyilir.

Məlumatda qeyd olunduğuna görə, yanvar-iyunda görülən işlərin ümumi həcminin 69 460 metri istismara, 1914 metr isə kəşfiyyata aid olub.

İyunda ARDNŞ 13 176 metr qazma işi görüb. Bu göstərici ötən ilin iyununda 13 919 metr təşkil edib.

2009-cu ildə ARDNŞ 168,2 min metr qazma işləri görüb. Bu göstərici 2008-ci ildə 203 min metr olub. 2007-ci ildə isə bu göstərici 190 376 metr təşkil edib.

Xəbər lenti

Xəbər lenti