Azərbaycan, Bakı, 20 iyul /Trend, müxbir E.İsmayılov/
Azərbaycanda elektrikötürücü xətlərin (EÖX) təhlükəsizliyi zonasında yerləşən 400-500-ə yaxın qanunsuz tikili söküləcək. Bu barədə Azərbaycan Elmi-Tədqiqat və Layihə-Axtarış Energetika İnstitutunun direktoru Nurəli Yusifov çərşənbə axşamı bildirib.
"Buna alternativ yoxdur, çünki bu tikililər ölkənin enerji sisteminin normal fəaliyyət göstərməsinə mane olur və yüksəkgərginlikli elektrikötürücü xətlərinə xidmət prosesini çətinləşdirir", - Yusifov bildirib.
Bundan əvvəl "Azərenerji" SC (Azərbaycanın regionlarında elektrik enerjisinin istehsalı və paylanması) EÖX təhlükəsizliyi zonasındakı qanunsuz tikililərin sayının dəqiqləşdirilməsi üçün monitorinq keçirmişdi.
Bundan əvvəl SC-nin rəhbəri Etibar Pirverdiyev belə qanunsuz binaların sayının minlərlə olduğunu demişdi.
Fevralın əvvəllərində pis hava şəraiti yüksəkgərginlikli elektrikötürücü xətləri ilə elektrik enerjisinin verilməsində problem yaratmışdı. O cümlədən, problem aradan qaldırılarkən ağır texnikadan istifadə olunmasında çətinlik yaranmışdı, çünki oradakı qanunsuz binalara görə qəza yerinə yaxınlaşa bilməmişdi.
