Аzərbaycan, Bakı, 30 iyul /Trend/
Yanvar-iyun aylarında ARDNŞ (birgə müəssisələr və əməliyyat şirkətləri istisna olmaqla) 2009-cu ilin analoji dövründəki 94 028 metrə nisbətdə 71 374 metr həcmində qazma işləri həyata keçirib. Bu barədə ARDNŞ-dən (Azərbaycan Respublikası Dövlət Neft Şirkəti) verilən məlumatda deyilir.
İyun ayında ARDNŞ ötən ilin iyununda qeydə alınan 13 919 metrə nisbətdə 13 176 metr qazma işləri gerçəkləşdirib.
2009-cu ildə ARDNŞ 2008-ci ildəki 203 min metrə nisbətdə 168,2 min metr qazma işləri görüb. 2007-ci ildə bu göstərici 190 376 metr təşkil edib.
