Azərbaycan, Bakı, 18 avqust / Trend /
ARDNŞ (Azərbaycan Dövlət Neft Şirkəti) 2010-cu ilin yanvar-iyul aylarında 1,05 milyard kubmetr qaz ixrac edib. Ötən ilin analoji dövründə bu göstərici 591, 7 milyon kubmetr təşkil edib. Bu barədə ARDNŞ-in məlumatında deyilir.
ARDNŞ ötən ilin analoji dövründəki 40,85 milyon kubmetrə nisbətdə bu ilin iyulunda 126,8 milyon kubmetr qaz ixrac edib.
Bu gün ARDNŞ Rusiya və Gürcüstana öz qazını ixrac edir.
Şirkətin Gürcüstana öz qazının nəqli onun Gürcüstanın qaz bazarında fəaliyyəti çərçivəsində Azərbaycanın Qazax rayonunda iki ölkəni birləşdirən boru kəməri vasitəsilə həyata keçirilir. Bu kəmərlə qaz nəqlinin gücü ildə üç milyard kubmetrə yaxın təşkil edir.
Azərbaycan qazının Rusiyaya nəqlinə bu ilin yanvarından başlanılıb və "Mozdok-Qazıməmməd" boru kəməri vasitəsilə həyata keçirilir. Kəmər ildə beş milyard kubmetrədək buraxılış qabiliyyətinə malikdir. 2007-ci ilədək bu kəmərlə Azərbaycana 4,5 milyard kubmetr qaz idxal olunub. Lakin sonralar Azərbaycan Rusiya qazının idxalından imtina edib.
