...

ARDNŞ Xəzərdəki yataqlarda suyun və atmosferin çirklənməsinin qarşısının alınması üzrə iş aparır

Energetika Materials 24 Avqust 2010 12:39 (UTC +04:00)

Azərbaycan, Bakı, 24 avqust /Trend/

Yanvar-iyun aylarında ARDNŞ-in (Azərbaycan Dövlət Neft Şirkəti) "Bayıl limanı" Kompleks Qazma İşləri İdarəsi qazma işləri prosesində əmələ gəlmiş 280 ton şlamı emal mərkəzinə təhvil verib. Bu barədə ARDNŞ-in Ekologiya İdarəsinin çərşənbə axşamı yaydığı məlumatında deyilir.

Həmçinin, Ekologiya və Təbii Sərvətlər Nazirliyi ilə razılaşdırılmış tədbirlər planına uyğun olaraq, idarə Xəzərin qazma işlərinin aparıldığı zonasında suyun və atmosferin çirklənməsinin qarşısının alınması üzrə zəruri işlər həyata keçirir.

"Bayıl limanı" idarəsi ARDNŞ-in "Kompleks Qazma İşləri" Trestinin tərkibinə daxildir. İdarə "Günəşli" (dayazsulu hissəsi), "Neft Daşları" və "Ələt-Dəniz" kimi mürəkkəb dəniz yataqlarında qazma işləri aparır.

Azərbaycanda 59 neft-qaz yatağı var ki, onlardan 18-i dənizdə, yerdə qalanları isə quruda yerləşir.

Xəbər lenti

Xəbər lenti