Azərbaycan, Bakı, 24 sentyabr /Trend, müxbir E. İsmayılov/
Azərbaycanın Qaz Emalı Zavodu dördüncü sexdə bərpa işlərinin aparılması üçün layihə-smeta sənədləşməsini hazırlayıb. Bu barədə tərkibinə zavodun daxil olduğu ARDNŞ-nin (Azərbaycan Dövlət Neft Şirkəti) ekologiya idarəsindən verilən məlumatda deyilir.
Məlumatda deyildiyi kimi, layihə-smeta sənədləşməsi suyun dövriyyəsi sahəsində fraksiyalaşdırma və qaynar su hövzəsi şöbəsində texnoloji kürənin bərpası məqsədilə hazırlanıb.
Bu işlər ekoloji vəziyyət və ətraf mühitin mühafizəsi çərçivəsində ARDNŞ-nin Elmi-Tədqiqat Layihə İnstitutu ilə birgə zavod tərəfindən hazırlanan ekoloji layihələr siyahısına daxildir.
Atmosfer və su hövzələrinin çirklənmədən müdafiəsinə istiqamətlənmiş layihələrdən biri də zavodun məşəl sisteminin bərpası və əmtəə parkında üç rezervuar və təmizləmə qurğularının inşasıdır (hər biri üç min kubmetr olmaqla, ikihəcmli və min kubmetr olmaqla birhəcmli).
