Azərbaycan, Bakı, 14 oktyabr /Trend/
SOCAR Georgia Petroleum Gürcüstanda Kvareli şəhərində (Kaxetiya regionu) "SOCAR" brendi altında yeni yanacaqdoldurma məntəqəsi (YDM) açıb. Bu barədə cümə axşamı ARDNŞ-dən verilən məlumatda deyilir.
Yeni YDM-ın istismara verilməsi ilə Gürcüstanda "SOCAR" brendi altında yanacaqdoldurma məntəqələrinin sayı 50-yə çatıb.
YDM-in açılış mərasimində "SOCAR Energy Georgia"ın (ARDNŞ-in Gürcüstanda maraqlarını təmsil edir) rəhbəri Mahir Məmmədov və Kaxetiya regionunun qubernatoru Georgi Qviniaşvili iştirak ediblər.
Bu ilin sonuna qədər ARDNŞ Gürcüstanda YDM-lərin sayını 60-a çatdırmağı planlaşdırır.
"SOCAR Energy Georgia"ın "SOCAR Georgia"nın həmtəsisçiləri - ARDNŞ (51%), "Petro-Trans FZCO" (24,5%) və Vano Çxartişvilidir (24,5%).
