Azərbaycan, Bakı, 30 oktyabr/Trend, müxbir E.İsmayılov/
Cari ilin sonunadək ARDNŞ Avropanın "E.ON" və "RWE" şirkətlərinin Bakı şəhərinin və Abşeron yarımadasının qaz sisteminin yenidən qurulması və modernləşdirilməsi layihəsi çərçivəsində etdikləri təkliflərə baxılma prosesini başa çatdıracaq. Bu barədə şənbə günü ARDNŞ-dakı mənbə deyib.
Qiymətləndirmələrə əsasən, layihənin dəyəri bir milyard avrodan çox qiymətləndirilir. Layihə paytaxtın qaz sistemini beynəlxalq standartlara uyğunlaşdırmağa imkan verəcək yeni kompressor stansiyalarının tikintisini, boru kəmərlərinin çəkilməsini, sayğacların quraşdırılmasını və digər infrastruktur işlərinin görülməsini nəzərdə tutur.
Mənbənin dediyi kimi, cari ilin sonunadək ARDNŞ variant seçimi ilə bağlı son qərarı qəbul edəcək.
Onun sözlərinə görə, Bakı şəhərinin və Abşeron yarımadasının qaz sisteminin yenidən qurulması və modernləşdirilməsi layihəsinin hazırlanaması üzrə işə artıq gələn ilin əvvəlində başlamaq planlaşdırılır.
Bundan əvvəl ARDNŞ rəhbəri Rövnəq Abdullayevin dediyi kimi, Bakı və Abşeron yarımadasının qaz sistemi ölkənin ən böyüyüdür və 650 minə yaxın abonenti əhatə edir. Layihə çərçivəsində mövcud infrastrukturun 90 faizi yenilənməlidir.
