Azərbaycan, Bakı, 13 dekabr /Trend, müxbir A.Bədəlova/
2010-cu ilin üçüncü rübü ərzində Xəzər regionu ölkələrində (Azərbaycan, İran, Qazaxıstan, Rusiya) orta sutkalıq neft hasilatı sutkada 16,304 milyon barel təşkil edib ki, bu da 2009-cu ilin analoji dövründəki hasilat səviyyəsindən yüksəkdir.
EIA-nın dünya nefti üzrə məruzəsinə əsasən, 2010-cu ilin sentyabrında Xəzər ölkələrinin orta sutkalıq neft hasilatı 16,32 milyon barel təşkil edib. Cari ilin avqust ayında bu göstərici 16,284 milyon barel olub.
EIA-nın məlumatına görə, 2010-cu ilin yanvar-sentyabr aylarında Azərbaycanda orta sutkalıq neft hasilatı 1,03 milyon barel səviyyəsində, İranda 4,087, Qazaxıstanda 1,513, Rusiyada isə 9,674 milyon barel təşkil edib.
...
