Azərbaycan, Bakı, 16 dekabr /Trend/
ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyi Dünya Azərbaycanlılarının Həmrəyliyi Günü və Yeni il münasibəti ilə 20 dekabr 2010-cu il tarixdən 5 yanvar 2011-ci ilədək günün bütün saatlarında növbəlilik əsasında iş rejiminə keçir. Bu barədə ARDNŞ-nin cümə axşamı yaydığı məlumatda deyilir.
Məlumata əsasən, istehlakçıların bu günlərdə təbii qazla fasiləsiz və davamlı olaraq təmin edilməsi üçün İB-də bütün texniki və texnoloji tədbirlər həyata keçirilib, xüsusi işçi qrupu yaradılıb. 185 nömrəli qaynar xəttin iş saatı artırılıb, 104 nömrəli qəza xidmətinin fəaliyyəti gücləndirilib.
"Azəriqaz" İB istehlakçıların nəzərinə çatdırır ki, bayram günlərində hər bir abonent son dərəcə diqqətli olmalı, texniki təhlükəsizlik qaydalarına ciddi əməl etməlidir.