Azərbaycan, Bakı, 24 yanvar /Trend/
2010-cu ildə ARDNŞ-nin (Azərbaycan Respublikası Dövlət Neft Şirkəti) Neft-Qaz Çıxarma idarələri (NQÇİ) ölkənin ofşor və onşor yataqlarında təxminən 53,36 milyon barel neft (7,28 milyon ton) hasil edib ki, 2009-cu ildə bu rəqəm 53,52 milyon barel (7,3 milyon ton) olub. Bu barədə bazar ertəsi şirkətdən məlumat verilib.
ARDNŞ-nin xarici şirkətlərlə birgə layihələrdə payı 13 milyon barel neftə və kondensata yaxındır ki, onlardan da əməliyyat şirkətlərinin payına 2,2 milyon barel, "Azəri-Çıraq-Günəşli" (AÇG) layihəsinə 9,7 milyon barel neft, "Şahdəniz" yatağına isə 1,1 milyon qaz-kondensat düşür.
2010-cu ildə ARDNŞ təxminən 7,6 milyard kubmetrdən çox qaz əldə edib ki, bu da ötən il 7,33 milyard kubmetr olub. Neft-Qaz Çıxarma idarələri təxminən 7 milyard kubmetrdən çox qaz əldə ediblər. Quruda qaz hasil edən birgə və əməliyyat şirkətləri ARDNŞ-yə hesabat dövrü ərzində 112,5 milyon kubmetr qaz verib.
Ötən il Azərbaycan Beynəlxalq Əməliyyat Şirkəti AÇG yatağında ARDNŞ üçün təxminən 3,44 milyard kubmetr qaz əldə edib. 2009-cu ildə bu rəqəm 3,9 milyard kubmetr olub.
Azərbaycanda 59 neft-qaz yatağı var ki, onların 18-i dənizdə, qalanı quruda yerləşir.