...

Yanvarda Türkiyə vasitəsilə BTC ilə neft nəqli artıb

Energetika Materials 24 Fevral 2011 15:22 (UTC +04:00)

Azərbaycan, Bakı, 24 fevral /Trend, müxbir E.İsmayılov/

2011-ci ilin yanvar ayında Bakı-Tbilisi-Ceyhan (ВТС) boru kəməri ilə Türkiyə ərazisindən 23,4 milyon barel neft nəql edilib. Bu göstərici 2010-cu ilin yanvarında 22,75 milyon barel təşkil edib. Bu barədə Türkiyənin BOTAŞ dövlət boru kəməri şirkətinin rəsmi saytında yerləşdirilən məlumatda bildirilir.

2010-cu ildə BTC vasitəsilə Türkiyə ərazisindən 288,2 milyon barel neft nəql edilib. Bu göstərici 2009-cu ildə 285,5 milyon barel olub.

BTC boru kəmərinin ümumi uzunluğu 1768 kilometrdir. Bunun 443 kilometri Azərbaycan, 249 km-i Gürcüstan, 1076 km-i Türkiyə ərazisindən keçir. Boru kəmərinin tikintisi 2003-cü ildə, onun neftlə doldurulması isə 2005-ci il mayın 18-də başlanıb.

BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz ); Statoil (8,71 faiz ); ТРАО (6,53 faiz ); Eni (5 faiz ); Total (5 faiz ); Itochu (3,40 faiz ); Inpex (2,50 faiz ); ConocoPhillips (2,50 faiz ) və Amerada Hess (2,36 faiz).

Yanvarda İraq-Türkiyə kəməri ilə Türkiyə ərazisindən 12,7 milyon barel neft nəql edilib. Ötən ilin anoloji dövründə bu göstərici 14,44 milyon barel olub. Ötən il bu kəmərlə 2009-cu ildəki 167,6 milyon barelə qarşı 132,3 milyon barel neft nəql olunub.

Ceyhan-Qırıqqala boru kəməri ilə yanvarda Türkiyə ərazisindən təxminən 1,2 milyon bareldən çox neft nəql edilib. Ötən ilin yanvarında bu rəqəm 249 milyon barel olub. Ümumilikdə 2010-cu ildə bu kəmərlə 2009-cu ildəki 20,2 milyon barelə qarşı 17,2 milyon barel neft nəql olunub.

Batman-Dördyol boru kəməri ilə yanvarda Türkiyə ərazisindən 1,5 milyon barel neft nəql edilib. 2010-cu ilin yanvarında bu rəqəm 1,05 milyon barel olub. Ötən il bu kəmərlə 2009-cu ildəki 12,2 milyon barelə nisbətdə 10,6 milyon barel neft nəql olunub.

Xəbər lenti

Xəbər lenti