Azərbaycan, Bakı, 26 ferval /Trend, müxbir E.İsmayılov/
Hazırda ARDNŞ (Azərbaycan Respublikası Dövlət Neft Şirkəti) "Qazprom" şirkəti ilə imzalanmış qısamüddətli müqavilə çərçivəsində Rusiyaya sutkada altı milyon kubmetr qaz nəql edir. Bu barədə Trend-ə şənbə günü neft-qaz bazarındakı mənbə bildirib.
"Rusiyaya qaz tədarükü davam edir. Hazırda şimal istiqamətində sutkada altı milyon kubmetr qaz nəql olunur", - mənbə deyib.
Bu ilin yanvarında ARDNŞ Rusiyaya 190 milyon kubmetrə yaxın qaz nəql edib.
2010-cu ildə ARDNŞ RF-yə 800 milyon kubmetrə yaxın qaz ixrac edib. Bu il nəql edilən qazın həcminin iki milyard kubmetrə çatdırılacağı gözlənilir.
Azərbaycan qazının Rusiyaya alqı-satqısı üzrə ortamüddətli müqavilə 2009-cu il oktyabrın 14-də Bakıda imzalanıb. 2010-cu il sentyabrın əvvəlində Bakıda imzalanan müqaviləyə əlavəyə görə, 2011-ci ildə "Qazprom" iki milyard kubmetr, 2012-ci ildə isə iki milyard kubmetrdən çox qaz alacaq.
Rusiyaya Azərbaycan qazının tədarükünə 2010-cu il yanvarın 1-dən başlanılıb.