Azərbaycan, Bakı, 11 mart /Trend/
2011-ci il ərzində ARDNŞ (Azərbaycan Respublikası Dövlət Neft Şirkəti) Heydər Əliyev adına Bakı Dərin Özüllər Zavodunda məişət çirkab sularının effektiv idarə olunması üçün yeni təmizləyici qurğunun tikintisinə başlamağı planlaşdırır. Bu barədə cümə günü ARDNŞ-nin Ekologiya İdarəsindən məlumat verilib.
Məlumata görə, qurğunun gücü sutkada 1500 kubmetr təşkil edəcək.
Yeni təmizləyici qurğunun layihə-smeta sənədləşməsi ARDNŞ-nin "Neftqazelmitədqiqatlayihə" institutunda hazırlanıb.
Layihə Ekologiya və Təbii Sərvətlər Nazirliyinin Ətraf Mühitin Müdafiəsi Departamenti ilə birgə hazırlanıb.
