...

ARDNŞ qazma işlərinin həcmini artırıb

Energetika Materials 5 Aprel 2011 17:23 (UTC +04:00)

Azərbaycan, Bakı, 5 aprel /Trend/

ARDNŞ (Azərbaycan Respublikası Dövlət Neft Şirkəti) yanvar-martda (müştərək müəssisələr və əməliyyat şirkətləri istisna olmaqla) 40 738 metr qazma işləri görüb. Bu göstərici 2010-cu ilin yanvar-martında 34 601 metr təşkil edib. Trend-in məlumatına görə, bu barədə çərşənbə axşamı ARDNŞ-nin məlumatında deyilir.

Yanvar-martda ARDNŞ-nin həyata keçirdiyi qazma işlərinin ümumi həcmindən 38387 metr istismar, 2351 metr isə kəşfiyyat qazmasının payına düşüb.

2010-cu ildə ARDNŞ 136,3 min metr həcmində qazma işi həyata keçirib. Bu göstərici 2009-cu ildə 168,2 min metr təşkil edib. Ötən il həyata keçirilən qazma işinin ümumi həcmindən 127,9 min metr istismar qazması, qalan 8466 metr kəşfiyyat qazmasının payına düşüb (o cümlədən 1785 metr struktur-axtarış qazması).

Bundan əvvəl ARDNŞ rəhbəri Rövnəq Abdullayevin dediyi kimi, 2011-ci ildə şirkət 200 min metr qazma işini gerçəkləşdirməyi planlaşdırır. Xüsusilə də qarşıya qoyulan məqsədə çatmaq üçün şirkət yeni qazma avadanlığının alınmasını nəzərdə tutur.

2008-ci ildə ARDNŞ 20 min metr həcmində qazma işləri həyata keçirib. 2007-ci ildə isə bu göstərici 190,4 min metr təşkil edib.

Xəbər lenti

Xəbər lenti