Azərbaycan, Bakı, 11 iyul /Trend, müxbir A.Axundov/
Azərbaycan və ÇXR-in Sinszyan-Uyğur Muxtar Respublikası (SUMR) neft-qaz yataqlarının mənimsənilməsi və işlənməsi sahəsində qarşılıqlı faydalı əməkdaşlığın təşviqi haqqında razılığa gəliblər. Trend-in məlumatına görə, bu barədə bazar ertəsi Bakıda Azərbaycan və SUMR arasında ticari-iqtisadi əməkdaşlıq üzrə işçi qrupunun birinci iclasının yekunları üzrə qəbul edilən protokolun mətnində deyilir.
Həmçinin, neft-kimya məhsullarının, eləcə də təyyarə yanacağı, kimya sənayesi xammalı və s. ikitərəfli ticarətinin genişləndirilməsi sahəsində əməkdaşlığın inkişafı haqında qərar qəbul edilib.
Energetika və sənaye, Azərbaycanda keçirilən və nəqliyyat infrastrukturu, su təsərrüfatı, enerji obyektləri və bu kimi sahələri əhatə edən tenderlərdə iştirak etmək üçün SUMR-dən müəssisələrin təşviqi sahəsində əməkdaşlığın inkişafı haqqında razılaşma əldə olunub.
