...

"Azərikimya" İB 2011-ci ildə istehsal həcmi üzrə proqnozları açıqlayıb

Energetika Materials 20 İyul 2011 17:41 (UTC +04:00)

Azərbaycan, Bakı, 20 iyul /Trend, müxbir E.İsmayılov/

2011-ci ildə ARDNŞ-nin "Azərikimya" İstehsalat Birliyi öz müəssisələrində 216,4 min tona yaxın kimya məhsulları istehsal etməyi planlaşdırır. Bu barədə Trend-ə İB rəhbəri Muxtar Babayev deyib.

Onun sözlərinə görə, ilin birinci yarısında İB-nin müəssisələri tərəfindən 137,06 min ton məhsul istehsal edilib. Bunun 120 min tonu ixrac edilib.

"İyul-dekabrda 80 min tona yaxın məhsul istehsalı planlaşdırılır, 2011-ci ildə cəmi 216,4 min ton məhsulun istehsal edilməsi nəzərdə tutulur", - Babayev bildirib.

Azərbaycan Prezidentinin 2 aprel 2010-ci il tarixli "Neft-kimya sənayesində idarəetmə mexanizmlərinin təkmilləşdirilməsi haqqında" sərəncamı ilə "Azərikimya" Dövlət Şirkəti ARDNŞ-nin tərkibinə verilib. Hazırda "Azərikimya" ARDNŞ-nin təkibində istehsalat birliyi kimi fəaliyyət göstərir.

İB-nin strukturu belədir: "Etilen-propilen", "Səthi aktiv maddələr", "Orqanik sintez", "Mexaniki təmir" zavodları, "Kimyaelmitədqiqatlayihə" institutu, təmir-tikinti idarəsi, nəqliyyat və xüsusi texnika idarəsi, anbar təsərrüfatı.

Xəbər lenti

Xəbər lenti