Azərbaycan, Bakı, 22 avqust /Trend, müxbir E.İsmayılov/
Xəzərin Azərbaycan sektorunda "Azəri-Çıraq-Günəşli" yataqlar blokunun işlənməsinin opertatoru olan Britaniyanın BP şirkəti ARDNŞ-yə 1,9 milyard kubmetr səmt qazı verib. Bu barədə BP-nin ilin birinci yarısının yekunları üzrə hesabatında deyilir.
2011-ci il ərzində 2,3 milyard kubmetr səmt qazının təhvil veriləcəyi planlaşdırılır.
AÇG-nin işlənməsi çərçivəsində səmt qazı ARDNŞ-yə pulsuz verilir.
Hesabatda deyildiyinə görə, birinci yarım il ərzində ARDNŞ-yə gündə təxminən 10,5 milyon kubmetr səmt qazı verilib.
2010-cu ildə BP ARDNŞ-yə 3,4 milyard kubmetr səmt qazı verib. Proqnoz 1,9 milyard kubmetr olub.
2009 -cu ildə ARDNŞ-yə 4 milyard kubmetrə yaxın qaz verilib. Proqnozlaşdırılan həcm 1,45 milyard kubmetr olub.
Hazırda müqavilədə iştirak payı bu şəkildə bölüşdürülüb: BP (operator - 35,83 faiz), "Chevron" (11,27 faiz), AzAÇG (11,6 faiz), "Inpex" (10,96 faiz), "Statoil" (8,56 faiz), "Exxon" (8 faiz), TPAO (6,75 faiz), "Itochu" (4,3 faiz), "Hess" (2,72 faiz).