Azərbaycan, Bakı, 9 sentyabr /Trend, müxbir E.İsmayılov/
"Şahdəniz" qaz-kondensat yatağının işlənməsinin texniki operatoru olan BP şirkəti SDX-07a qiymətləndirmə quyusunun qazılması işini bərpa edib. Bu barədə Trend-ə neft-qaz sənayesinə yaxın mənbə bildirib.
Onun sözlərinə görə, qazma işləri "İstiqlal" qazma qurğusunda yoxlama işlərinin aparılması ilə bağlı dayandırılmışdı. Quyunun dərinliyi 6300-6400 metr təşkil etməlidir.
Mənbə deyib ki, qazma işləri artıq bərpa edilib və hazırda quyunun dərinliyi 4075 metr təşkil edir.
Yataqdan əlavə 16 milyard kubmetr qaz çıxarmaq üçün "Şahdəniz-2" çərçivəsində 30 sualtı quyu qazılacaq və 2 dəniz platforması quraşdırılacaq.