Azərbaycan, Bakı, 3 oktyabr /Trend, müxbir A.Tağıyeva/
Türkiyə Rusiya ilə "qərb marşrutu" üzrə qaz tədarükünə dair sazişi uzatmamasına baxmayaraq, "Cənub qaz dəhlizi" çərçivəsində RF-dən təkliflər gözləyir. Bunu jurnalistlərə Türkiyənin energetika naziri Taner Yıldız deyib. Trend-in məlumatına görə, xəbəri "Haberler" qəzeti yazıb.
Yıldız bildirib ki, Türkiyəyə Rusiya qazının tədarükü barədə müqavilənin uzadılmasından imtina iki ölkənin münasibətlərinə təsir etmir.
"Rusiya-Türkiyə münasibətləri yalnız qaz kəməri siyasəti üzərində qurulmayıb, ona görə də iki ölkənin münasibətləri bundan zərər çəkmir", - nazir qeyd edib.
Onun sözlərinə görə, Türkiyə və Rusiyanın özəl sektoru "qərb marşrutu" üzrə Rusiya qazının alınmasına dair razılaşma əldə edə bilərlər.