Azərbaycan, Bakı, 3 oktyabr /Trend, müxbir E.İsmayılov/
ARDNŞ-nin Gürcüstanda "SOCAR" brendi ilə fəaliyyət göstərən daha 2 yeni yanacaqdoldurma məntəqəsinin açılışı olub.
Trend-in bazar ertəsi ARDNŞ-yə istinadən verdiyi məlumata görə, "SOCAR Georgia Petroleum" MMC tərəfindən inşa edilmiş yeni YDM-lərdən biri Marneuli rayonunun Sadaxlı kəndində, digəri isə paxtaxt Tbilisinin Qldani yaşayış massivində istifadəyə verilib.
Bununla da Gürcüstan ərazisində əhaliyə yüksək keyfiyyətlə xidmət göstərən "SOCAR" yanacaqdoldurma məntəqələrinin sayı 76-ya çatıb.