Azərbaycan, Bakı, 27 dekabr / Trend müxbir E.İsmayılov/
Yanvar-noyabrda "Şimal" elektrik stansiyası 1,94 milyard kilovatt-saata yaxın elektrik enerjisi istehsal edib. Bu, proqnozlaşdırlan həcmdən 6,6 milyon kilovatt-saat çoxdur. Trend-in məlumatına görə, bu barədə "Azərenerji" SC-nin (Azərbaycanda elektrik enerjisinin istehsal edən və paylayan) çərşənbə axşamı yaydığı məlumatda deyilir.
Noyabrda stansiya tərəfindən 214,3 milyon kilovatt-saat elektrik enerjisi istehsal edilib.
Hazırda stansiyanın gücü (bir enerji blokunun) 400 meqavatt təşkil edir. Bundan əvvəl ikinci 409 meqabatlıq enerji blokunun tikintisi işlərinə başlanıb. Yeni blokun istismara verilməsindən sonra stansiyanın gücü ikiqat artacaq və 809 meqavatta çatdırılacaq.