Azərbaycan, Bakı, 5 iyul /Trend/
2013-cü ilin iyun ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 milyon 544 min 149 ton Azərbaycan nefti nəql olunub.
Trend ARDNŞ-nin rəsmi saytına istinadən məlumat verir ki, cari ilin yanvar-iyun aylarında bu kəmərlə 15 milyon 180 min 756 ton neft ötürülüb. Ümumiyyətlə, kəmər istifadəyə verilən gündən 2013-cü il iyul ayının 1-dək BTC-yə 220 milyon 632 min 390 ton neft vurulub.
Bundan başqa, cari ilin iyun ayında BTC kəməri ilə 270 min 350 ton Türkmənistan nefti nəql olunub.