Azərbaycan, Bakı, 5 iyun /Trend, müxbir E.İsmayılov/
Proqnozlara əsasən, 2013-2014-cü illərdə Azərbaycanda neft və qaz hasilatı həcmlərinin artırılması üzrə tədbirlər planının icrası nəticəsində ARDNŞ cari ildə neft hasilatını 2013-cü ildəki 8,3 milyon tona nisbətdə 8,5 milyon tonadək artıracaq.
Trend-in məlumatına görə, bunu ARDNŞ-nin neftin, qazın hasilatı və nəqli üzrə vitse-prezidenti Rəhman Qurbanov cümə axşamı Bakıda XXI Azərbaycan Beynəlxalq Xəzər Neft və Qaz - 2014 (Caspian Oil&Gas) konfransında deyib.
Onun sözlərinə görə, bu, yeni quyuların qazılması, yeni avadanlıqların, müasir texnika və texnologiyaların tətbiqi sayəsində mümkün olacaq.
R.Qurbanovun sözlərinə görə, 2014-cü ildə 130, 2015-ci ildə isə 119 quyunun qazılması planlaşdırılır.