...

BP Azərbaycana verdiyi səmt qazının həcmini artırıb

Energetika Materials 20 Noyabr 2014 20:03

Trend-i buradan izləyin

Azərbaycan, Bakı, 20 noyabr /Trend, müxbir Emil İsmayılov/

Xəzərin Azərbaycan sektorundakı "Azəri-Çıraq-Günəşli" (AÇG) yataqlar blokunun operatoru olan BP 2014-cü ilin 9 ayında ARDNŞ-yə 2 milyard kubmetr səmt qazı verib. Bu rəqəm 2013-cü ilin analoji dövründə 1,62 milyard kubmetr olub.

Trend-in məlumatına görə, bu barədə BP-nin 2014-cü ilin yanvar-sentyabr aylarında Azərbaycanda fəaliyyəti üzrə hesabatında deyilir.

AÇG-nin işlənməsi çərçivəsində səmt qazı ARDNŞ-yə pulsuz verilir.

Hesabat dövründə ARDNŞ-yə verilən səmt qazının orta sutkalıq həcmi 7,3 milyon kubmetr olub.

BP 2013 və 2012-ci illərdə ARDNŞ-yə müvafiq olaraq 2,19 milyard və 3,4 milyard kubmetr səmt qazı verib.

"Azəri-Çıraq-Günəşli" dəniz yataqları bloku üzrə müqavilə 1994-cü ildə imzalanıb. Blokun neft ehtiyatı təqribən 1 milyard tondur. AÇG-də iştirak payları: BP (operator - 35,78%), Şevron (11,27%), İNPEKS (10,96%), AzAÇG (11,65 %), Statoyl (8,56%), EksonMobil (8%), TPAO (6,75%), İTOÇU (4,3%), ONGC Videş Limited (OVL) (2,72%).

Məqalədə:
Xəbər lenti

Xəbər lenti