Bakı. Trend:
"Cənub qaz dəhlizi" layihəsi hamı üçün sərfəlidir. Trend-in məlumatına görə, bunu Bolqarıstanın energetika nazirinin müavini Jeço Stankov İstanbulda keçirilən 23-cü Dünya Enerji Konqresi zamanı deyib.
Stankovun sözlərinə görə, Bolqarıstan bu layihəyə böyük maraq göstərir.
Nazir müavini deyib: "Cənub qaz dəhlizi" layihəsinin həyata keçməsi üçün bir çox ölkələr və şirkətlər qüvvəsini birləşdirib. Bu layihə yalnız Xəzər qazının nəqli üçün deyil, həm də digər aspektlərə malikdir".