Bakı. İlkin Şəfiyev - Trend:
2018-ci ilin üçüncü rübündə Azərbaycan Dövlət Neft Şirkəti (SOCAR) “Qarabağ” neft-qaz yatağının KPS-4 qiymətləndirmə buruğunda qazma işlərinə başlayacaq.
Trend-in məlumatına görə, bunu layihənin rəhbəri Nüsrət Əliyev deyib.
O qeyd edib ki, bu ayın sonunadək yataqda ilkin layihələndirmə üzrə işlər başa çatacaq.
N.Əliyevin sözlərinə görə, qazma işləri 2017-ci ilin dekabrında SOCAR-la “Statoil” arasında imzalanmış müqaviləyə əsasən həyata keçiriləcək.