Bakı. Ləman Zeynalova - Trend:
Trans-Adriatik boru kəməri konsorsiumu (TAP AG) şimali Yunanıstanda 61 layihə həyata keçirir.
Trend-in məlumatına görə, bunu TAP-ın Yunanıstanda sosial və ekoloji investisiyalar üzrə meneceri Vasiliki Sotiropulu deyib.
O bildirib ki, TAP 2015-ci ildən etibarən şimali Yunanıstan ərazisində ümumilikdə 19 milyon avro məbləğində 137 layihə reallaşdırıb, daha 61 layihə isə icra olunmaqdadır: "Layihələr genişspektrli təşəbbüsləri, o cümlədən Milli təcili yardım mərkəzinə 32 tibbi yardım maşını və digər tibb avadanlıqlarının verilməsi, ictimai obyektlərin modernləşdirilməsi və vacib infrastrukturunun tikintisinin dəstəklənməsini əhatə edir".
(Tərcümə: Orxan Nəbiyev)