Bakı. Trend:
Fransanın "TotalEnergies" korporasiyası və İraq hakimiyyəti neft və qaz hasilatına, həmçinin İraqda günəş enerjisinin inkişafına 27 milyard dollar investisiyanın yatırılması barədə müqavilə imzalayıblar.
Trend-in məlumatına görə, bu barədə İraqın neft naziri İhsan Abdel Caberə istinadən "Agence France-Presse" agentliyi xəbər yayıb.
Nazir bildirib: "Bu, bir Qərb şirkətinin İraqa ən böyük investisiyasıdır".
"TotalEnergies" korporasiyası müqaviləni şərh etməkdən imtina edib.
Agentliyin mənbəsinin sözlərinə görə, "TotalEnergies" korporasiyası ilə imzalanan müqavilə 4 layihəni - dəniz sularının neft yataqlarına çatdırılması, ölkənin cənubunda günəş panellərinin quraşdırılması, həmçinin qaz hasilatı və istismarı üzrə layihələri əhatə edir.