Bakı. Trend:
Bolqarıstanın müstəqil ötürücü operatoru olan ICGB Yunanıstan-Bolqarıstan qaz iinterkonnektorunun (IGB) inşası üzrə EPC podratçı ilə boru kəmərinin inşasındakı ləngimələr səbəbindən zərərin geri qaytarılması ilə bağlı razılaşma əldə edib.
Bu barədə Trend-ə ICGB-dən bildirilib.
"Əldə olunmuş razılaşma ICGB-in xeyrinə hesablanmış cərimələrin tutulmasını təmin edir, gələcək mübahisələrin və mümkün arbitraj təhqiqatının qarşısını alır, həmçinin, hər iki tərəfin mühüm xərclər olmadan müqavilə üzrə öhdəliklərinin icrası üçün möhkəm təməl qoyur", - şirkətdən bildiriblər.
ICGB şirkətin maraqlarını birbaşa əks etdirən bu razılaşmanı yüksək dəyərləndirir.
İki tərəf arasındakı razılaşma yalnız ICGB səhmdarlarının tədqiqindən sonra qüvvəyə minəcək.
Qeyd edək ki, Yunanıstan-Bolqarıstan interkonnektorunun (IGB) istismara verilməsi COVID-19 pandemiyası ilə əlaqədar olaraq avadanlıq və material tədarükündə fasilələr yarandığından ləngimişdi.
Yunanıstan-Bolqarıstan interkonnektoru kommersiya məqsədilə tədarükə 2022-ci il oktyabrın 1-dən etibarən başlayıb. İnterkonnektorun hazırkı ötürücülük qabiliyyəti illik 3 milyard kubmetr təşkil edir və hazırda təqribən təqribən 94 faiz yüklənib.
Yunanıstan-Bolqarıstan interkonnektorunun (IGB) enerji yüklənməsinin 2023-2024-cü illərdə 90 faizdən yuxarı həddə olacağı gözlənilir.
Twitter: @Lyaman_Zeyn