Azərbaycan hökuməti neftin qiymət göstəricilərinin proqnozlarını myüəyyən edərkən tam bir sıra analizlərdə əldə olunan nəticələrə əsaslanır. Nazirlər Kabinetindən Trend ə verilən məlumata görə, bu analizlər əsasında hökumət 2006-cı ildə neftin qiymətinin 50 dollardan aşağı düşməyəcəyini proqnozlaşdırır.
"2006-cı il üzrə büdcə proqnozlarının tərtibi zamanıneftin qiymətinin müxtəlif variantları, o cümlədən bir barelə görə 25, 32 və nəhayət, 35 dollar təklif olunur. 35 dollarlıq göstəricinin bazası əsasında qərarın qəbul edilməsi gələn il ölkə büdcəsinin əhəmiyyətli həcmdə olacağından irəli gəlir ", - deyə Nazirlər Kabinetindən bildiriblər.
Öz növbəsində Nazirlər Kabinetindən bildiriblər ki, neftin qiyməti üzrə ənənəvi büdcə göstəricisi onun qiymətinin kəskin şəkildə düşməsi risqindən sığortalanmağa xidmət edən müəyyən ehtiyatlardan götürülür. 2006-cı il büdcəsində hər barelə görə kəsmə qiymət 35 dollar təşkil edir.
Neftin qiymətinin büdcə proqnozlarının yüksəlməsi tendensiyası artıq bir neçə ildir ki, davam edir. Belə ki, 2003-cü ildə bu göstərici bir barelə görə 19,5, 2004 -cü ildə 22, 2005-ci ildə 25 dollar təşkil edib. 2006-cı ildə isə bir barelə görə rekord göstərici - 35 dollar planlaşdırılıb.
Avqustun 8-də olan vəziyyətə görə bir barel AZERI LT CIF məzənnəsi 62,61 dollardır (rekord göstəricilərdən biridir). 1 barel URAL (EX-NOIO) neftinin qiyməti isə 58,02 dollar təşkil edir.
