ARDNŞ hesablamalar aparıb və bunlar göstərib ki, 2005-ci ilin ilk 4 ayı ərzində Bakı NEZ-də emal edilmədən neftin təmiz ixracında əlavə $45 mln.əldə edə bilərdi. Trend agentliyi bildirir ki, avqustun 12-də keçirilmiş mətbuat konfransında ARDNŞ rəhbəri Natiq Əliyev bu barədə bəyan edib.
"Dünyada neft və neft məhsullarının qiymətindən çox şey asılıdır. Demək olmaz ki, biri digərindən sərfəlidir.Belə ki, dünyadakı vəziyyət həmişə dəyişir.Amma praktika göstərir ki, neftin ixracı daha sərfəlidir" -deyə o bildirib.
ARDNŞ-nin bazasında iki NEZ - "Heydər Əliyev adına" (keçmiş Azərneftyanacaq) və Azərneftyağ mövcuddur.ARDNŞ hər il Bakı-Novorossiysk boru kəməri ilə 2,5 mln. ton neft ixrac edir, 6,4 mln. ton xammalı isə bu NEZ-də emal üçün verir.
